Aksident i rëndë në autostradën Levan-Vlorë: 1 i vdekur, 1 i plagosur rëndë

Një aksident i rëndë automobilistik është regjistruar pasditen e kësaj të hëne në autostradën Levan-Vlorë, në drejtim të mbërritjes për në qytetin bregdetar.

Sipas informacioneve paraprake bëhet me dije se në aksident janë përfshirë dy mjete, përfshirë një kamionçinë, e cila ka përfunduar jashtë rruge.

Si pasojë e përplasjes raportohet se ka ndërruar jetë drejtuesi i kamionçinës, ndërkohë që është plagosur rëndë pasagjeri.

Në vendngjarje është nisur zjarrfikësja, pasi dy personat ishin bllokuar brenda mjetit dhe nuk mund të dalin dot.

Po ashtu, në vendngjarje ka mbërritur edhe policia e Vlorës, e cila po punon për të siguruar zonën dhe për të zbardhur shkaqet e aksidentit.

LEXONI GJITHASHTU:

• 8 vjeç i mbijetoi aksidentit të rëndë, tragjedia e të riut që humbi jetën në Peqin
• EMRAT| Aksident i rëndë në Peqin, humbin jetën 2 të rinj