Policia jep detaje nga aksidenti i rëndë në aksin Fier-Vlorë: Identifikohet viktima

Policia e Vlorës ka zbardhur detaje të reja lidhur me aksidentin automobilistik të ndodhur pasditen e kësaj të hëne në autostradën Levan-Vlorë.

Drejtuesi i njërit mjet tip kamionçinë, shtetasi Ferdinant Hasani 62 vjeç, ndërroi jetë si pasojë e përplasjes me barrierat anësore të rrugës, ndërsa në automjetin tjetër ndodhej tip “Dacia”, ndodhej një shtetase italiane me iniciale A. T., 28 vjeçe.

Nga ana tjetër, pasagjeri që udhëtonte me viktimën, shtetasi me iniciale A. M., ka mbetur i dëmtuar rëndë dhe ndodhet në spital, nën kujdesin e mjekëve.

Informacioni i plotë policor:

Sot, rreth orës 14:15, në aksin rrugor Fier-Vlorë, në vendin e quajtur “Kripa”, një automjet tip “Dacia”, me drejtues shtetasen italiane A. T., 28 vjeçe, është përplasur me një mjet tip kamionçinë, me drejtues shtetasin F. H., 62 vjeç, i cili nga goditja është përplasur me barrierat anësore të rrugës.

Si pasojë e aksidentit, drejtuesi i kamionçinës ka ndërruar jetë në vendngjarje, ndërsa pasagjeri që udhëtonte në këtë mjet, shtetasi A. M., ka mbetur i dëmtuar rëndë dhe ndodhet në spital, nën kujdesin e mjekëve.

Grupi hetimor ndodhet në vendngjarje dhe po kryen veprimet për zbardhjen e plotë të rrethanave të aksidentit.