Franca hap baret dhe restorantet, presidenti Macron me kryeministrin Kasteks shijojnë një kafe në Paris

Këtë të mërkurë Presidenti Francez, Emanuel Macron dhe kryeministri Zion Kasteks ishin ndër të parët që shijuan një kafe në ambientet e jashtme të një bari në Paris, teksa kafetë dhe restorantet u lejuan të shërbejnë klientët në hapësirat e jashtme, për herë të parë pas 6 muajsh.

Pandemia Globale solli mbylljen e bareve dhe restoranteve në mbarë globin, por në Francë, vendin që ka shpikur kuzhinën e lartë, mbyllja u ndie më së shumti.

Përveç bareve dhe restoranteve, Franca ka rihapur edhe dyqanet, muzetë dhe kinematë, në një lëvizje që mendohet ti japë shtysë sektorit të prekur nga Pandemia, turizmit.

Me numrat e infektimeve në rënie dhe me fushatën e vaksinimit që po ecën me ritme të shpejtë, dyqanet dhe bizneset e ndryshme shpresojnë të rikthehen sa më parë në normalitet. Sipas ekspertëve financiarë, mbyllja e fundit ka qenë më e dëmshme se paraardhëset, për shkak se njerëzit u përshtatën me të punuarin në shtëpi dhe u ul ndjeshëm konsumi dhe porositë në dyqane dhe restorante.