Kush është drejtuesi që ka “rrëmbyer” fronin e pasurisë Elon Musk?

Larry Ellison, drejtuesi i gjigantit të teknologjisë Oracle, ka zënë vendin e parë në listën e miliarderëve, duke u shpallur për herë të parë personi më i pasur në botë.

Sipas Indeksit të Miliarderëve të Bloomberg, pasuria neto e Ellison u rrit me plot 101 miliardë dollarë vetëm gjatë ditës së mërkurë, duke arritur në një total prej 393 miliardë dollarësh. Kjo rritje e jashtëzakonshme është nxitur nga performanca e jashtëzakonshme e aksioneve të Oracle, të cilat shënuan një rritje deri në 41% gjatë së njëjtës ditë, duke kapur rekorde të reja intraday.

Ndërkohë, themeluesi i Tesla-s dhe SpaceX, Elon Musk, ka zbritur në vendin e dytë me një pasuri prej 385 miliardë dollarësh.

Rokadot në krye të listës së miliarderëve vijnë në një periudhë të luhatshme për tregjet financiare dhe nënvizojnë ndikimin e madh që lëvizjet e aksioneve kanë në pasuritë personale të drejtuesve të korporatave më të mëdha në botë.

LEXONI GJITHASHTU:

• Elon Musk heq dorë nga krijimi i një partie të re, mbështet JD Vance për presidencën
• Elon Musk akuzon Apple për favorizim të OpenAI, paralajmëron padi