Rama propozon 11 komisione parlamentare, si ndahen mes mazhorancës dhe opozitës

Nga Asambleja e Partisë Socialiste kryeministri Edi Rama propozoi rritjen e numrit të komisioneve të përhershme dhe uljen e numrit të deputetëve në komisione parlamentare.

Në fjalën e tij gjatë shpalosjes së programit qeverisës në mandatin e katërt Rama sugjeroi riorganizimin e komisioneve të përhershme parlamentare në 11 të tilla, të cilat duhet të ndahen në drejtimin e tyre mes shumicës dhe opozitës.

Komisioni për Ekonominë, Punësimin dhe Financat (sugjerohet të drejtohet nga mazhoranca).

Komisioni për Çështjet Ligjore dhe Administratën Publike (e drejton mazhoranca).

Komisioni për Çështjet e Brendshme dhe Mbrojtjen (e drejton PS).

Komisioni për Edukimin, Shkencën dhe Sportet (e drejton opozita).

Komisioni për Shëndetësinë dhe Mirëqenien Sociale (e drejton opozita).

Komisioni për Burimet Natyrore, Infrastrukturën dhe Zhvillimin e Qëndrueshëm (e drejton mazhoranca).

Komisioni për të Drejtat e Njeriut dhe Mjetet e Informimit Publik (e drejton opozita).

Komisioni për Bujqësinë, Ushqimin dhe Zhvillimin Rural (e drejton mazhoranca).

Komisioni për Kulturën, Turizmin dhe Diasporën (e drejton opozita).

Komisioni për Europën dhe Punët e Jashtme (e drejton mazhoranca).

Ky komision ka shkrirë dy komisione: atë të çështjeve europiane, që e drejtonte opozita, dhe punëve të jashtme, që e drejtonte mazhoranca.

Komisioni për nismat qytetare, bashkëpunimi dhe nismat qytetare (e drejton mazhoranca).

LEXONI GJITHASHTU:

• Reforma Zgjedhore/ Rama: Koha për depolitizimin e administratës zgjedhore
• Rama apel deputetëve të rinj: Nëse doni të qëndroni më shumë se një mandat…