“Nuk jam deputete e PD”, reagon Mesila Doda: Do mbaj kauzat e opozitës dhe PDIU

Mesila Doda ka reaguar lidhur me lajmin se në Parlamentin e ri nuk do të jetë në grupin parlamentar të PD, por deputete e pavarur.

Në një postim në faqen e vet në Facebook, Doda sqaron se “në konfigurimin e ri te grupeve parlamentare kam mësuar qe jane krijuar tre grupe dhe ne pamundesi per te krijuar nje grup parlamentar te PDIU-se, nuk jam regjistruar ne grupet aktuale, por jam pjese e opozites duke ruajtur identitetin e forces politike qe përfaqësoj”.

Ndërkohë, në një reagim më herët për Euronews Albania Doda u shpreh se “është deputete e opozitës dhe PDIU dhe do vazhdojë të mbajë kauzat e opozitës dhe te PDIU”.

Reagimi i Mesila Dodës në Facebook

Meqenese po shoh nje stuhi ne gote te ngritur nga soj soj mendjesh, jam e detyruar te bej kete sqarim.

Ne zgjedhjet parlamentare jam regjistruar si deputete e PDIU-se, ne koalicionin Aleanca per Shqiperine Madheshtore. Ne konfigurimin e ri te grupeve parlamentare kam mesuar qe jane krijuar tre grupe dhe ne pamundesi per te krijuar nje grup parlamentar te PDIU-se, nuk jam regjistruar ne grupet aktuale, por jam pjese e opozites duke ruajtur identitetin e forces politike qe perfaqesoj. Nese do kishte qene nje grup i perbashket opozitar padyshim do isha pjese e ketij grupi. Kam qene dhe jam ne koordinim me kryetarin e grupit te PD per çdo aksion dhe qendrim politik te opozites Dashakeqeve qe sot ju “qan” zemra per opoziten mund t’ju them se opozita nuk ka nje deputet me pak e se qendrimet politike opozitare jane krejtesisht te koordinuara. Te mos besh pjese ne nje grup parlamentar nuk te perjashton nga opozita.