“Qëndroni në shtëpi”, Hong Kongu përballet me ciklonin më të fuqishëm të vitit
Hong Kongu u mbyll të martën përpara mbërritjes së super tajfunit Ragasa – cikloni tropikal më i fuqishëm në botë për vitin 2025 – me autoritetet që u bënë thirrje qytetarëve të qëndrojnë në shtëpi dhe të përgatiten për mot ekstrem.
Tajfuni Ragasa, me erëra të fuqishme deri në 220 km/h, po afrohet me shpejtësi drejt bregdetit jugor të Kinës, duke përbërë një “kërcënim të rëndë për bregdetin e Guangdong”, sipas Observatorit të Hong Kongut.
Në përpjekje për të minimizuar dëmet, banorët kanë vulosur dritaret e shtëpive dhe bizneseve me shirit ngjitës, ndërsa autoritetet kanë shpërndarë thasë me rërë për të ndihmuar në mbrojtjen e shtëpive në zonat e ulëta.
Hong Kongu lëshoi sinjalin e tajfunit të shkallës 8 – paralajmërimi i tretë më i lartë – në orën 14:20 me orën lokale, duke detyruar shumicën e bizneseve dhe transportit publik të ndalojnë punën. Më shumë se 700 fluturime janë pezulluar, përfshirë ato në Makao dhe Tajvan.
Moti pritet të përkeqësohet më vonë gjatë së martës, me erëra të fuqishme dhe reshje të dendura që pritet të godasin qytetin të mërkurën. Observatori paralajmëroi për rritje të mundshme të nivelit të detit, krahasuar me tajfunët shkatërrues Hato (2017) dhe Mangkhut (2018), të cilët shkaktuan dëme që kapnin miliarda dollarë.
Autoritetet vazhdojnë të monitorojnë situatën dhe pritet të vendosin nëse do të rrisin nivelin e alarmit më vonë gjatë natës ose herët të mërkurën. Në ndërkohë, qytetarët janë këshilluar të qëndrojnë brenda dhe të sigurojnë furnizimet e nevojshme për ditët në vijim.
LEXONI GJITHASHTU:
Goditet skema e tregtimit të sendeve të vjedhura, sekuestrohen 15 kg ar dhe sende me vlerë totale 2 milionë euro në Fier
Bordi i Transparencës publikon çmimet e reja të karburanteve në vend
Tensione në Rrjoll, banorët heqin gardhin metalik (VIDEO)
- 14:03 Goditet skema e tregtimit të sendeve të vjedhura, sekuestrohen 15 kg ar dhe sende me vlerë totale 2 milionë euro në Fier
- 13:23 Berisha: Heqja e sanksionimit të SHBA-së ndaj meje, korrigjim i një vendimi të padrejtë
- 13:14 Berisha: Protesta uragan i ndërgjegjes qytetare, nuk duhet të errësohet madhështia dhe misioni i saj
- 12:43 Rrëzohet avioni ushtarak në Indi, 5 të vdekur dhe një i mbijetuar
- 12:11 Bordi i Transparencës publikon çmimet e reja të karburanteve në vend
- 11:50 Tensione në Rrjoll, banorët heqin gardhin metalik (VIDEO)