Në drejtim të PS-së/ Cilat janë figurat politike që kanë braktisur Partinë e Lirisë

Ndër vite disa figura të rëndësishme të ish-Lëvizjes Socialiste për Integrim sot Partia e Lirisë janë larguar nga kjo forcë politike në drejtim të Partisë Socialiste. Për më tepër ndjekim materialin e përgatitur.

Silva Caka është figura e fundit e cila largohet nga Partia e Lirisë, por ajo nuk është e vetmja. Ndër vite, anëtarët e ish LSI-së tanimë Partisë së Lirisë janë larguar nga kjo parti dhe i janë bashkuar Partisë Socialiste.

Lëvizjet kanë nisur fillimisht me Spartak Brahon, Lefter Kokën, Nasip Naçon, Agron Çelën të cilët iu bashkuan listave për deputetë të Partisë Socialiste në kohën kur u bën pjesë e selisë rozë.

Në legjislaturën e kaluar, Nasip Naço ishte kryetar i komisionit të sigurisë kombëtare. Po ashtu edhe kryetari aktual i bashkisë së Himarës, Vangjel Tavo ka ardhur nga radhët e Partisë së Lirisë.

Përpara fushatës për zgjedhjet e 11 majit, Endrit Braimllari iu bashkua PS, duke u përfshirë në listat e Tiranës.

Ai nuk mundi të siguronte mandatin e deputetit, por u emërua nënkryetar i Këshillit Bashkiak të Tiranës.

Nga Partia e Lirisë janë larguar edhe Gledion Rahovica dhe Klevi Pojana.

LEXONI GJITHASHTU:

• Takim i nivelit të lartë mes Policisë së Shtetit dhe Europol: Fokus te bashkëpunimi
• Forumi i Investimeve promovon Shqipërinë si një qendër të re për investime në rajon