Autobusi urban bie në gropat e kantierit të rrugës në Vlorë

Një autobus urban i qytetit të Vlorës ka rënë sot në gropat e kantierit të rrugës që nis nga godina e Policisë dhe lidhet me bulevardin “Ismail Qemali”.

Ngjarja ndodhi pasi drejtuesi i autobusit tentoi të shmangte një automjet të prishur që kishte mbetur në mes të rrugës. Për pasojë, autobusi përfundoi në gropat e hapura të kantierit dhe nuk mundi të lëvizte më, duke bllokuar qarkullimin për disa minuta.

Pasagjerët u detyruan të zbrisnin dhe të vijonin rrugën në këmbë. Fatmirësisht nuk u raportuan të lënduar, por situata shkaktoi kaos dhe pakënaqësi te qytetarët.

LEXONI GJITHASHTU:

• Kavajë: U pushua nga puna, 48-vjeçari godet dhe kanos drejtorin e Ujësjellësit
• Dëshmimtari në Hagë: Thaçi kishte marrëdhënie të ndërlikuara me komandantët e UÇK-së