Gjirokastër, humb jetën punonjësi i OSHE-së nga kontakti me rrymën elektrike

Shtetasi me iniciale K.P është gjendur i pajetë në fshatin Nepravishtë, në Gjirokastër.

Ngjarja ka ndodhur rreth orës 17:15 të së dielës dhe nga burimet bëhet me dije se 55-vjeçari ka qenë një punonjës i OSHE-së.

Trupi i pajetë është gjetur pranë një shtylle tensioni ku ai ishte duke punuar dhe si pasojë e kontaktit me rrymën elektrike K.P. ka humbur jetën.

Grupi hetimor po kryen veprimet e mëtejshme hetimore për sqarimin e rrethanave të ngjarjes.

Fatkeqësisht, gjatë dy viteve te fundit ky është elektricisti i katërt qe humbet jetën në Gjirokastër .

Më 17 shkurt dy elektricistë u mbyten aksidentalisht ne lumin Drino.

Një vit më parë një tjetër punonjës i OSHE-së u rrëzua nga shtylla në zonën e Zagorisë duke humbur jetën.

LEXONI GJITHASHTU: 

• Makina e OSHEE-së bie në lumin Drino, humbin jetën dy elektricistë
• Përkujtohen dy elektricistët, lule dhe qirinj nga kolegët në breg të lumit Drino
• Kurset profesionale në Vlorë, mbi 550 persona në kërkim të zanatit të preferuar