Shoferja përplas motorin në Lezhë, 75-vjeçari ndërron jetë në spital

Një aksident me pasojë vdekjen ka ndodhur në qytetin e Lezhës pasi një automjet i drejtuar nga shtetasja Xh. N. është përplasur me një motomjet me drejtues shtetasin V. K., si dhe me një automjet të ndaluar jashtë rruge.

Aksidenti ka ndodhur në aksin rrugor “Milot–Lezhë”, ku, si pasojë, është dëmtuar drejtuesi i motomjetit, shtetasi V. K., 75 vjeç, i cili ka ndërruar jetë në spital.

Shtetasja Xh. N. është shoqëruar në Komisariat për kryerjen e veprimeve procedurale, ndërsa grupi hetimor po punon për zbardhjen e plotë të rrethanave të aksidentit.