Zgjedhjet Lokale: PDK pritet ta mbajë Ferizajn, Prizreni shkon në balotazh

Sipas exit poll-eve të para të paraqitura pas përfundimit të votimit, në Ferizaj, Partia Demokratike e Kosovës pritet ta mbajë pushtetin lokal. Sipas dy exit poll-eve të publikuara, kryetari aktual Agim Aliu parashikohet në rrugë të sigurt për ta fituar edhe një mandat sipas publikimeve.

Ndërkohë, situata në Prizren paraqitet më e ngushtë. Sipas disa exit poll-eve, kjo komunë pritet të shkojë në balotazh. Kryetari aktual, Shaqir Totaj nga PDK, dhe kandidati i Lëvizjes Vetëvendosje, Artan Abrashi, janë dy kandidatët që pritet të garojnë në raundin e dytë.