Operacioni anti-Monopatina/ Nisin sekuestrimet e mjeteve dhe në Elbasan

Prej kësaj të hëne, është ndaluar përkohësisht qarkullimi i monopatinave elektrike në të gjithë vendin.

Ashtu si Vlora dhe Tirana, dhe në qytetin e Elbasanit, Policia rrugore ka nisur zbatimin e urdhrit të ndalimit të monopatinave, duke shtuar kontrollet në akset kryesore të qytetit.

Gjatë ditës së parë të zbatimit, janë ndaluar dhjetëra qytetarë që lëviznin me monopatina elektrike.

Sipas njoftimit të policisë, kjo fazë fillestare do të përqendrohet kryesisht në paralajmërime, por në rast përsëritjeje të shkeljeve, parashikohen masa më të rrepta si shoqërimi në komisariat apo bllokimi i mjeteve.

LEXONI GJITHASHTU:

• Policia e Tiranës nis aksionin për ndalimin e monopatinave, qytetarët kundërshtojnë
• Aksioni kundër monopatinave, Policia e Vlorës nis sekuestrimin