Tomahawk-s për Ukrainën: Armë që ndryshon lojën apo ndikim mbi Moskën?

Rusia ka shtuar përsëri sulmet e saj ndaj rrjetit energjetik të Ukrainës.

Edhe pse mbrojtja ajrore e Ukrainës është përmirësuar ndjeshëm dhe tani është e aftë të kapë shumicën e dronëve që Rusia lëshon çdo ditë, Kievi shpreson për diçka përtej mbështetjes shtesë që kërkoi nga partnerët, raporton Euronews.

Ukraina ka kërkuar diçka strategjikisht të rëndësishme për qëllimet e saj, raketa me rreze të gjatë veprimi për të goditur platformat e lëshimit të Rusisë, në vend që të mbetet e kufizuar në kapjen e qindra dronëve dhe dhjetëra raketave sapo ato të arrijnë qiellin ukrainas.

Presidenti i SHBA-së, Donald Trump, sugjeroi të martën se ai mund të lejojë shitjen e raketave Tomahawk Ukrainës. Ato do t’i japin Kievit mundësinë për të goditur më thellë  prapavijën e Rusisë dhe për t’i bërë këto sulme më të fuqishme.

Një pjesë kyçe e arsenalit amerikan, raketat Tomahawk, kanë një rreze veprimi prej 1,600 deri në 2,500 kilometra dhe një kokë luftarake të fuqishme që peshon 400 deri në 450 kilogramë. Për momentin, Ukraina mbështetet në raketat e furnizuara nga Perëndimi, të tilla si Storm Shadow, të cilat kanë një rreze veprimi të kufizuar prej rreth 250 kilometrash.

Për çdo gjë përtej kësaj, Kievi po përdor dronët e tij të prodhuar në vend dhe raketat, të tilla si Palianytsia.

Ndërsa, Trump dhe homologu i tij ukrainas Volodymyr Zelensky përgatiten të takohen në Uashington të premten, çështja e raketave Tomahawk është në krye të axhendës.

“Ai do të donte të kishte Tomahawk. Ne kemi shumë Tomahawk”, tha Trump.

Shefi i zyrës së Zelensky-t, Andriy Yermak, së bashku me kryeministren, Yulia Svyrydenko, dhe zyrtarë të tjerë ukrainas, është takuar me kompanitë amerikane të mbrojtjes Lockheed Martin dhe Raytheon. Raytheon është prodhuesi i raketave Tomahawk.

“Teknologjia e tyre po shpëton jetë, F-16 dhe sistemet e përparuara të mbrojtjes ajrore po mbrojnë qiellin ukrainas”, tha Yermak në një postim në X. “Zgjidhjet e tyre ofensive mbështesin fuqimisht forcat tona në vijën e frontit”, shtoi ai.

Pa përmendur raketat Tomahawk, Yermak tha se ky bashkëpunim me Ukrainën vazhdon të rritet.

“Çdo raketë ruse e rrëzuar ose postë komanduese armike e shkatërruar dëshmon cilësinë e armëve amerikane dhe profesionalizmin e trupave tona”, shpjegoi ai.

Grupi i ekspertëve, Instituti për Studimin e Luftës, ISW, me seli në SHBA, ka vlerësuar se ka të paktën 1,945 objekte ushtarake ruse brenda rrezes së veprimit të variantit Tomahawk prej 2,500 kilometrash dhe të paktën 1,655 brenda rrezes së veprimit të variantit 1,600 kilometrash.

“Ukraina ka të ngjarë të degradojë ndjeshëm performancën e betejës së Rusisë në vijën e frontit duke synuar një nëngrup të prekshëm të zonave të mbështetjes së pasme që mbështesin operacionet e Rusisë në vijën e frontit”, tha analiza e ISW.

LEXONI GJITHASHTU:

• Sulmet ruse shkaktojnë ndërprerje të prodhimit të gazit në Ukrainë