Kontrollet në kufi, zbulohet tunel që lidh Bjellorusinë me Poloninë

Zyrtarët e Njësisë Kufitare të Podlaskies zbuluan të premten një tunel që lidhte kufirin bjellorus me territorin polak.

Ministri polak i Brendshëm dhe i Administratës, Marcin Kierwiński, bëri të ditur në rrjetet sociale se tuneli kalonte nën barrierën e kufirit polako-bjellorus.

“Sipas të dhënave të para, tuneli fillonte dhe përfundonte rreth 20 metra larg vijës kufitare, në anën bjelloruse!”, njoftoi ministri polak.

Ky është tuneli i dytë i zbuluar këtë vit nën kufirin mes Polonisë dhe Bjellorusisë. I pari ishte gjetur pranë një stacionit kufitar.

Të dyja rastet u identifikuan falë “sistemeve elektronike të avancuara” të instaluara rishtas në zonë. Në korrik, një pjesë e rëndësishme e kufirit u modernizua me kamera termike të teknologjisë më të fundit.

Rojet kufitare të Polonisë raportuan gjithashtu se vetëm të enjten janë regjistruar mbi 60 tentativa për kalim të paligjshëm të kufirit.

Që nga janari 2025, janë evidentuar mbi 26 mijë tentativa për kalim të paligjshëm nga Bjellorusia drejt Polonisë. Kufiri mes dy vendeve mbetet në qendër të krizës së emigranëve dhe humanitare që prej vitit 2021, në krahun lindor të Bashkimit Evropian.

LEXONI GJITHASHTU:

• Letonia përgatitet për luftë, nis grumbullimi i furnizimeve
• Izraeli voton për të riemëruar luftën në Gaza si “Lufta e Ringjalljes”