BE-ja planifikon trajnimin e forcave ushtarake të Ukrainës

Bashkimi Evropian është gati të ofrojë një trajnim për trupat e ukrainase dhe t’i zgjerojë format e tjera të mbështetjes, përfshirë monitorimin e kufijve, ndihmën për veteranët e luftës dhe forcimin e sigurisë kibernetike të Ukrainës.

Brukseli po ashtu po e shqyrton krijimin e ndihmës për Ukrainën në rast të një armëpushimi në të ardhmen.

Misioni Këshillues i BE-së, EUAM, që fokusohet në forcimin e sigurisë të sektorit civil, dhe Misioni i BE-së për Mbështetje Ushtarake, EUMAM,  deri më tani ka trajnuar 80.000 ushtarë ukrainas në territorin e BE-së.

Këto rishikime vijnë në kohën kur BE-ja ende po punon lidhur me atë se çfarë garancish të sigurisë mund t’i ofrojë Kievit në rast se ndalet lufta.

Në dokumente thuhet se Rusia “vazhdon ta ketë objektiv të saj për riformësimin e rendit të sigurisë evropiane” dhe se “agresioni ushtarak dhe qasja e Moskës ndaj procesit diplomatik tregojnë se qëllimi i saj përfundimtar për të nënshtruar Ukrainën nuk ka ndryshuar”.

Dislokimi i trupave në Ukrainë, që nga shumë vende konsiderohet si garancia më e madhe e sigurisë, mbetet një vendim i secilit shtet, por misionet trajnuese të BE-së i mundësojnë Brukselit që t’i ofrojë Kievit mbështetje të gjerë.

Ndryshimi i mandatit të EUMAM-it dhe EUAM-it kërkon unanimitet, megjithatë në dy dokumentet thuhet se ky unanimitet po kërkohet.

LEXONI GJITHASHTU:

• Zelensky: Ukraina dhe SHBA po përgatisin kontratë për 25 sisteme mbrojtëse Patriot