Hamasi mban me forcë kontrollin në Gaza, pas tërheqjes së pjesshme të Izraelit

Hamasi është përpjekur me dhunë të rivendosë autoritetin e tij mbi Rripin e Gazës pas tërheqjes së pjesshme të ushtrisë izraelite.

Që kur armëpushimi hyri në fuqi një javë më parë, grupi militant ka vendosur oficerë policie të armatosur në rrugët nga ku janë tërhequr forcat izraelite, të cilët janë përleshur me klane rivale, kanë pasur sume dhe kanë organizuar të paktën një ekzekutim publik të dyshuar si bashkëpunëtorë me Izraelin.

Ndërsa Hamasi vazhdon të demonstrojë praninë e tij, zyrtarët izraelitë të sigurisë dhe ekspertët në Gaza bien dakord se Hamasi ka “rënë shumë”, por jo shkatërruar plotësisht.

Vlerësimet e forcës së Hamasit janë thelbësore për negociatat rreth çarmatimit të grupit, një kusht i rëndësishëm në marrëveshjen e armëpushimit të ndërmjetësuar nga amerikanët që ndaloi luftën. Deri më tani, grupi ka refuzuar të dorëzojë armët e tij.

“Hamasi u dëmtua shumë rëndë në aftësitë e tij ushtarake, por mendoj se do të ishte e drejtë të thuash se nuk u shtyp”, tha Shalom Ben Hanan, një bashkëpunëtor në Institutin Ndërkombëtar për Kundër-Terrorizëm në Universitetin Reichman të Izraelit dhe një veteran i Agjencisë Izraelite të Sigurisë.

“Ndoshta kërcënimi nuk është në ditët që do të vijnë, por potenciali i tyre është ende aty”, shtoi ai.

Hanan tha se grupi ende komandon rreth 15,000 deri në 25,000 luftëtarë, një vlerësim që ai tha se bazohej në informimet e tij të rregullta nga zyrtarët e sigurisë izraelite në shërbim.

Në një deklaratë javën e kaluar, Ministri Izraelit i Mbrojtjes, Israel Katz, tha se Forcat Mbrojtëse të Izraelit, IDF, do ta përqendronin vëmendjen e tyre në shkatërrimin e rrjetit të mbetur të tuneleve, si pjesë e procesit të çarmatosjes së Hamasit.

IDF tha se kishte punuar për të çmontuar një pjesë të rrjetit të tuneleve, ku disa nga ushtarët e saj u qëlluan të dielën.

LEXONI GJITHASHTU:

• Izraeli sulmon Libanin, një vit pas armëpushimit të ndërmjetësuar nga SHBA-të