Policia godet rrjetin e trafikut të paligjshëm të emigrantëve në Gjirokastër

Policia Gjirokastër ka finalizuar operacionin policor të koduar “Attempt 4”, në bashkëpunim me Sektorin e Policisë Rrugore të Drejtorisë Vendore të Policisë Gjirokastër, duke arrestuar dy persona të dyshuar për dhënie ndihmë në kalimin ilegal të kufirit.

Sipas njoftimit zyrtar të policisë, shtetasi V. T., 36 vjeç, banues në Durrës, u kap në flagrancë në aksin rrugor “Ura e Kardhiqit-Sarandë”, teksa transportonte me një automjet tip “Audi”, katër emigrantë nga Nepali, kundrejt pagesës, në tentativë për të kaluar ilegalisht kufirin nga Qafë Thana në drejtim të Qafë Botës.

Gjithashtu, në kuadër të këtij operacioni u arrestua edhe shtetasi F. M., 30 vjeç, gjithashtu banues në Durrës, i cili u kap në bashkëpunim me shërbimet e DVP Durrës.

Policia njofton se hetimet vijojnë intensivisht për kapjen e bashkëpunëtorit të tretë të dyshuar, i cili është identifikuar, por për shkak të hetimeve nuk bëhen publike detajet e tij.

Materialet procedurale i janë kaluar Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër për veprime të mëtejshme.

LEXONI GJITHASHTU:

• Pasurohet fondi i muzeve në Gjirokastër, promovojnë traditën për turistët
• Goditet rrjeti i kontrabandës nga Greqia, arrestohen dy persona në Gjirokastër