Balluku me Ministrat e Energjisë të Europës: Diversifikojmë burimet energjetike

Ministrja e Infrastrukturës dhe Energjisë, Belinda Balluku ishte e pranishme në takimin e përvitshëm të Nivelit të Lartë të Ministrave të Energjisë së Europës Qendrore dhe Juglindore.

Nga Rumania, ajo tha se Shqipëria po investon ne rritjen e prodhimit te energjisë përmes diellit dhe po punon për me shume pavarësi energjetike.

Ministrat e Energjisë të Europës Qendrore dhe Juglindore u mblodhën sot në Bukuresht për takimin e përvitshëm të nivelit të lartë drejtuar nga komisioneri i lartë për Energjinë Dan Joregensen. Të gjithë ministrat kanë relatuar për situatën energjetike të rajoneve përkatëse dhe përgatitjet për dimrin 2025-2026, e mbi të gjitha sigurinë energjetike edhe nën optikën e kërcënimit që vjen nga përdorimi i gazit rus. Kam përfituar nga rast të ndaj në këtë event një arritje të rëndësishme të Shqipërisë gjatë këtij viti, bazuar në strategjinë kombëtare për diversifikimin. Për herë të parë raporti 8-mujor për 2025 tregon se kemi arritur të krijojmë 10 për qind të kapaciteteve gjeneruese nga burimet diellore, duke çuar kështu raportin total të prodhimi të brendshëm në 90 për qind hidro dhe 10 për qind energji diellore”, tha Balluku.

LEXONI GJITHASHTU:

• Balluku e Manastirliu filmohen aty ku opozita diskuton kandidatin për Tiranën
• Konferenca e Ambasadorëve, Balluku: Shqipëria vetëm një hap larg anëtarësimit në BE