Shifrat/ Sa është suksesi i fertilizimit in vitro në maternitetin “Koço Gliozheni”

Gjashtë bebe kanë ardhur në jetë përgjatë 2 viteve nga nisja e ofrimit të shërbimit të Riprodhimit Mjekësor të Asistuar në të vetmen Qendër të ngritur pranë maternitetit “Koço Gliozheni” në kryeqytet.

Paketa e fertilitetit subvencionohet 100% nga buxheti i shtetit, duke i dhënë mundësi grave të bëhen nëna, në momentin që e kanë të pamundur të arrijnë një shtatzëni në mënyrë natyrale.

Sipas të dhënave të raporteve të monitorimit financiar për Ministrinë e Shëndetësisë, në vitin 2024 janë trajtuar për fertilizimin in vitro 30 paciente, me një kosto totale mbi 9.8 milion lekë.

Për periudhën janar-gusht 2025 rezulton se janë trajtuar edhe 87 paciente, me një kosto totale mbi 1,6 milion lekë.

Sipas të dhënave të Ministrisë së Shëndetësisë, nga 60 transfertat e realizuara, 52 prej tyre kanë realizuar procedurën, ndërkohë që 8 kanë pasur stimulim të pasuksesshëm.

Në total, për vitin 2025 Ministria e Shëndetësisë parashikon që përmes paketës falas të fertilitetit të përfitojnë 150 çifte.

LEXONI GJITHASHTU:

• “Prita 16 vite për 1 fëmijë”, flet 41-vjeçarja që lindi me In-Vitro
• Fertilizimi In Vitro, sa sukses ka kjo procedurë