Luciano Spalletti debuton me fitore në krye të Juventus, mposhti Cremonese

Aventura e Spalletti me Juventus ka nisur në mënyrën më të mirë të mundshme, pasi skuadra e tij mposhti në transfertë Cremonese.

Bardhezinjtë zhvilluan një ndeshje pozitive dhe të luftuar deri në fund, ndërsa dominuan në pjesën më të madhe të lojës. Spalletti e nisi me një 4-3-3 ndaj Cremonese duke mos e ndryshuar formacionin që në ndeshjen e tij të parë.

Kostic ishte lojtari që i dha avantazhin Juventusit në minutën e 2të, teksa në pjesën e dytë ishte Cambiaso që dyfishoi. VEndësit reaguan në minutat e fundit me veteranin britanik Jamie Vardy, por goli vlejti vetëm për statistikë, pasi ndeshja përfundoi 1-2. 3 pikët e para nën epokën Spalletti, që tanimë do të vijojë përgatitjet për ndeshje ne mesjavës në Champions ndaj Sportingut.

Kjo ishte fitorja e pestë për Juventus këtë sezon në kampionat, ku numëron në total 18 pikë. Kampionët në fuqi të Serisë A, Napoli u ndal nga Como në një sfidë që nuk prodhoi asnjë gol. Një paraqitje në tërësi më e mirë e napoletanëve të Conte, por që e patën të pamundur të gjejnë golin. Sfida tjetër e së shtunës, mes Udinese dhe Atalanta u fitua me rezultat minimal nga vendësit, që i shkaktojnë disfatën e parë bergamaskëve.

LEXONI GJITHASHTU:

• Bardhezinjtë marrin frymë, Juventus fiton ndeshjen e parë pa Tudor
• Katër ndeshjesh pa shënuar gol, Juventusi shkarkon trajnerin Igor Tudor