Bullgaria kërkon përjashtim nga sanksionet e Trumpit mbi naftën ruse

Bullgaria po shqyrton mundësinë e kërkimit të një përjashtimi nga sanksionet e reja të SHBA-së kundër kompanisë më të madhe private të naftës në Rusi. Qeveria e vendit ballkanik ka frikë se masat do të shkaktojnë mungesa të mëdha karburanti dhe reagime të ashpra publike.

Presidenti amerikan, Donald Trump njoftoi sanksione javën e kaluar kundër dy prodhuesve më të mëdhenj të naftës në Rusi, Rosneft dhe Lukoil, duke bërë që disa vende të BE-së ku operojnë kompanitë të kërkojnë përjashtime.

Bullgaria është shtëpia e rafinerisë masive të Lukoil në Burgas, e cila furnizon deri në 80 përqind të karburantit të vendit. Kompania historikisht ka ushtruar ndikim të madh ekonomik në vendin ballkanik dhe objekti është lidhur në të kaluarën me shfrytëzimin e boshllëqeve në sanksionet e BE-së.

Tani, qeveria bullgare po i kërkon Uashingtonit udhëzime se si të veprojë nëse dëshiron të kërkojë një zgjatje të sanksioneve përtej datës së fillimit të tyre më 21 nëntor.

LEXONI GJITHASHTU:

• Po transportonte një emigrant drejt Greqisë, arrestohet 29-vjeçari në Sarandë
• Luciano Spalletti debuton me fitore në krye të Juventus, mposhti Cremonese