Prokurorja e Parisit: Grabitja e Luvrit u krye nga hajdutë jo profesionistë

Prokurorja e Parisit, Laure Beccuau ka deklaruar se grabitja gjatë ditës në Luvër u krye nga kriminelë të vegjël dhe jo nga profesionistë nga bota e krimit të organizuar. Ky pohim vjen dy javë pasi hajdutët parkuan një kamion të vjedhur jashtë muzeut më të vizituar në botë, përdorën një ashensor mobiljesh për të arritur në katin e parë dhe më pas hynë me forcë në një nga dhomat më të zbukuruara të muzeut.

Më pak se shtatë minuta më vonë, ata u arratisën me skuterë me xhevahire të kurorës me vlerë rreth 88 milionë euro. Grabitja e guximshme, e kryer në mes të ditës, ka shkaktuar një llogaridhënie në Francë.

Katër persona janë akuzuar që atëherë, por gurët e çmuar të vjedhur ende nuk janë gjetur. Mediat franceze kanë spekuluar se hajdutët ishin amatorë, pasi doli në dritë se kishin hedhur xhevahirin më të çmuar – kurorën e Perandoreshës Eugénie- gjatë arratisjes së tyre, dhe kishin lënë pas vegla dhe sende të tjera në vendngjarje që potencialisht mbanin gjurmë të ADN-së së tyre.

Të shtunën, prokurorët thanë se një grua 38-vjeçare dhe një burrë 37-vjeçar ishin akuzuar dhe ishin lënë në paraburgim mes akuzave se ADN-ja e tyre ishte gjetur në ashensorin e përdorur gjatë vjedhjes. Ata janë akuzuar për vjedhje të organizuar dhe komplot kriminal, ndërsa partneri i tij është akuzuar për bashkëpunim në vjedhje të organizuar dhe komplot kriminal.

• LEXONI GJITHASHTU:
• Trump: SHBA-të do të kryejnë teste bërthamore pas më shumë se 30 vjetësh
• Trump mbron Netanyahun, kërcënon Hamasin me shkatërrim