Koreja e Veriut njofton përgjigjen ndaj sanksioneve të SHBA-së

Koreja e Veriut kritikoi ashpër administratën e Presidentit të SHBA-së, Donald Trump, për vendosjen e sanksioneve të reja dhe premtoi se do të përgjigjet në mënyrë adekuate, raportoi mbrëmë agjencia shtetërore e lajmeve të Koresë së Veriut, KCNA.

“Nuk ka asgjë më budallallëk sesa të presësh rezultate të reja ndërsa përsëritësh skenarin e vjetër nga e kaluara e dështuar. SHBA-të duhet të kuptojnë se pavarësisht se sa sanksione vendosin, mundësia e ndryshimit të situatës aktuale strategjike midis SHBA-së dhe Koresë së Veriut në favor të tyre është më pak se zero”, tha KCNA, duke iu referuar një deklarate të zëvendësministrit të jashtëm të Koresë së Veriut përgjegjës për SHBA-në.

Departamenti i Thesarit i SHBA-së vendosi sanksione të martën ndaj tetë individëve dhe dy subjekteve të dyshuara për përfshirje në skema të ndryshme të pastrimit të parave të Koresë së Veriut të lidhura me rrjetet kibernetike , raportoi Reuters, duke thënë se masa e Uashingtonit synon të ndërpresë fondet për programin e armëve të Veriut.

Agjencia e inteligjencës së Koresë së Jugut tha këtë javë se ekziston një mundësi e fortë që Koreja e Veriut dhe SHBA-të të mbajnë një samit në fillim të vitit të ardhshëm.

Gjatë turneut të tij aziatik muajin e kaluar, Presidenti i SHBA-së Donald Trump bëri thirrje vazhdimisht për një takim me udhëheqësin e Koresë së Veriut Kim Jong Un.

LEXONI GJITHASHTU:

• SHBA-të vendosin sanksione për dy kompani nga Rusia, Kina dhe Koreja e Veriut
• SHBA kërcënon të tërheqë mbështetjen për forcën paqeruajtëse të OKB-së në Abyei