Mbi 30 të vrarë në “El Oro”, burgu famëkeq i Ekuadori kthehet në varrezë

10 Nëntor 2025 | 19:51

Të paktën 31 të dënuar janë gjetur të vdekur në një burg në jug të Ekuadorit, 27 prej të cilëve të varur në litar.

Viktimat u regjistruan si pasojë e një lufte mes bandave rivale në burgun El Oro, në qytetin Maçala, që shpërtheu ditën e diel.

Si pasojë e akteve të dhunës, 30 persona të tjerë mbetën të plagosur.

Oficerët e sigurisë, të cilët hynë në burg disa orë më vonë gjetën fillimisht 4 të vrarë dhe më pas të tjerët që ishin varur në katin e tretë të godinës.

Burgjet e tejmbushura të Ekuadorit janë kthyer në skena të përleshjeve të dhunshme të bandave, që në vitet e fundit kanë lënë disa qindra të vdekur.

Shërbimi i burgjeve të vendit njoftoi se përplasjet ishin shkaktuar nga planet e autoriteteve për të zhvendosur disa nga të dënuarit në një burg të ri.

Më herët gjatë vitit, qeveria e presidentit Daniel Noboa njoftoi ndërtimin e një burgu të ri të sigurisë së lartë në provincën Santa Elena.

Struktura në fjalë, e quajtur “El Encuentro”, pritet të hapet nga fundi i muajit dhe do të ketë të gjitha pajisjet e fundit të sigurisë.

Bandat e burgjeve luajnë prej vitesh një rol kyç në rritjen e kriminalitetit të dhunshëm në Ekuador dhe dy prej tyre, Los Lobos dhe Los Choneros, u shpallën organizata terroriste nga Departamenti amerikan i Shtetit në shtator.

 

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Zvicra përforcon sigurinë, vendos 4,000 trupa për Samitin e G7

Zvicra do të vendosë rreth 4,000 trupa brenda territorit të saj për të përforcuar sigurinë ndërsa liderët botërorë mblidhen për samitin e G7 në Francën...
18:21 | 04/06/2026

Irani paralajmëron plane të reja për Hormuzin: Do të vendosim tarifa shërbimi, jo taksa

Irani thotë se do të kërkojë të vendosë tarifa shërbimi për anijet që kalojnë Ngushticën e Hormuzit në këmbim të sigurimit të sigurisë së anijeve,...
18:14 | 04/06/2026

Ish-këshilltari i Trump drejt pranimit të fajësisë, John Bolton rrezikon deri në 5 vite burg për mbajtje të paligjshme të dokumenteve sekrete

Ish-këshilltari për Sigurinë Kombëtare i SHBA-së, John Bolton, pritet të deklarohet fajtor në një çështje që lidhet me trajtimin e dokumenteve të klasifikuara të sigurisë...
18:10 | 04/06/2026