Përfshihet nga flakët një mobileri në Vlorë, dyshime për zjarr të qëllimshëm (VIDEO)

Kati i parë i një mobilierie është përfshirë nga flakët në orët e para të mëngjesit të kësaj të marte, në lagjen 28 nëntori në qytetin e Vlorës. Ngjarja ka ndodhur rreth orës 03:00, ndërsa flakët janë përhapur me shpejtësi në ambientet e brendshme të biznesit, duke shkaktuar dëme të konsiderueshme materiale.

Sipas informacionve paraprake dyshohet se zjarri i rënë në mobilerinë është i qëllimshëm.
Në vendngjarje kanë mbërritur menjëherë forcat zjarrfikëse, të cilat bënë të mundur izolimin e zjarrit dhe shmangien e përhapjes së tij në katet e tjera të objektit apo në bizneset përreth.

Policia ndodhet në vendin e ngjarjes dhe po punon për zbardhjen e rrethanave dhe shkaqeve të zjarrit.

LEXONI GJITHASHTU:

• Senati amerikan miraton projektligjin për t’i dhënë fund mbylljes së qeverisë
• Prokuroria e Mitrovicës urdhëron ndërprerjen e numërimit të fletë votimeve