Tajfuni Fung-wong po shkon drejt Tajvanit, evakuohen 3 mijë persona

Autoritetet e Tajvanit  kanë lëshuar një paralajmërim emergjence dhe kanë evakuuar më shumë se 3 mijë njerëz nga shtëpitë e tyre, ndërsa presin mbërritjen e tajfunit Fung-wong. Tajfuni është dobësuar por pritet të sjellë shira të rrëmbyeshëm.

Tajfuni pritet të arrijë në bregdetin jugperëndimor të Tajvanit, pranë qytetit Kaohsiung, të mërkurën. Fenomeni ekstrem i motit, i cili u përshkrua si shumë më i fortë kur kaloi nëpër Filipine, ka vrarë të paktën gjashtë persona.

Presidenti i Tajvanit, Lai Ching-te i paralajmëroi qytetarët në Facebook të shmangin udhëtimet në zonat malore dhe bregdetare me rrezik të lartë. Në shtator, 18 persona vdiqën në Hualien për shkak të përmbytjeve të shkaktuara nga një tajfun i mëparshëm.

LEXONI GJITHASHTU:

• “Sulmi ndaj Tajvanit kërcënim”, Kina dhe Japonia në përplasje të fortë diplomatike
• Vritet në mes të rrugës ish-kandidati për kryetar bashkie në Guatemalë (VIDEO)