Pse po dëshmon pro Thaçit në Hagë?, Hill: Nuk është përfshirë veprime të paligjshme

Dëshmitari Christopher Hill, ish-ambasador i ShBA-së në Serbi, ka shpjeguar arsyen pse vendosi të dëshmojë në mbrojtje të ish-presidentit të Kosovës, Hashim Thaçi.

Ai theksoi se nuk beson se Thaçi ka qenë i përfshirë në veprimtari të paligjshme.

“Koha nuk i shëron të gjitha plagët, por mendoj që pas 25 vjetësh, është kohë e madhe që të mendohen gjërat, dhe nuk kam arsye të besoj që Thaçi ishte i përfshirë në aktivitete të tilla”.

“Nuk kam arsye të besoj dhe as nuk kam dëgjuar në atëkohë, që ai të ketë urdhëruar veprimtari të paligjshme, siç e kuptoj unë, ai u mbajt i burgosur për një kohë të caktuar lidhur me këto çështje. Kur mu kërkua kjo gjë, njerëzit më kontaktuan dhe ndjeva që duhet të thosha atë që dija në lidhje me situatën”, u shpreh Hill.

LEXONI GJITHASHTU:

• Goditi me grushte anëtarin e këshillit bashkiak, arrestohet 27-vjeçari në Pogradec
• Hill dëshmon në Hagë: Isha skeptik për takimin Rugova-Millosheviç në Beograd