Studimi: Ushqimet e gatshme rrisin rrezikun për kancer të zorrës

Një studim i ri analizoi të dhënat e mbi 29 mijë grave amerikane për më shumë se 20 vjet dhe gjeti një lidhje të fortë mes konsumit të lartë të këtyre ushqimeve dhe zhvillimit të polipeve që mund të çojnë në kancer.

Sipas studiuesve, gratë që hanin më shumë ushqime ultra-të-përpunuara kishin 45% më shumë rrezik për të zhvilluar adenoma në zorrën e trashë dhe rektum që mund të kthehen në kancer me kalimin e kohës. Këtu përfshihen ushqime si snack-et e paketuar, buka e prodhuar masivisht, drithërat e ëmbëlsuara, noodles dhe pijet e gazuara.

Ekspertët thonë se rreziku rritet në mënyrë lineare, sa më shumë ushqime të tilla konsumon një person, aq më i madh është rreziku për polipe të zorrës.

Edhe pse studimi nuk provon se këto ushqime shkaktojnë drejtpërdrejt kancer, ai sugjeron se dieta mund të jetë një faktor i rëndësishëm në rritjen e rasteve të kancerit para moshës 50 vjeç.

Megjithatë, ata paralajmërojnë se dieta nuk është e vetmja arsye pasi shumë pacientë me kancer të hershëm kolorektal raportojnë se ushqehen shëndetshëm.

Shkencëtarët vazhdojnë kërkimet për të kuptuar nëse disa lloje të ushqimeve ultra-të-përpunuara janë më të dëmshme se të tjerat, si dhe për të identifikuar faktorë të tjerë që mund të ndikojnë në këtë trend shqetësues.

LEXONI GJITHASHTU:

• Studimi: Shkalla e hipertensionit tek fëmijët është dyfishuar në 20 vjet
• Studimi: Përdorimi i paracetamolit gjatë shtatzënisë nuk shkakton autizëm te foshnja