21 janari, Berisha del nga SPAK: Audioja e falsifikuar, pse nuk u pyeta deri më sot 

Kreu i PD Sali Berisha doli pas rreth 2 orësh nga SPAK u ku pyet në lidhje me ngjarjen e rëndë të 21 janarit ku u vranë 4 protestues.

Në një deklaratë për mediat Berisha tha se shkaku pse nuk ishte thirrur deri tani për ngjarjen e rëndë me 4 viktima dhe 120 të plagosur ishte përfshirja në këtë ngjarje e PS dhe Edi Ramës që organizoi demonstratën e dhunshme.

“Mosthirrja kishte të bënte vetëm me faktin se Edi Rama organizoi për epshet e pushtetit të tij, protestën më të dhunshme në historinë e vendit.. Kjo u bë shkak që të mos thirrem unë për t’u pyetur për një ngjarje dramatik me 4 viktima dhe 120 policë të plagosur… Beteja tjetër do ishte vendimtare dhe secili nga gardistët e thirrur është paraqitur në prokuroi…Të falsifikosh një audio është gjëja më e thjeshtë, janë imituar në autenticitet të plotë edhe zëra të presidentëve të SHBA. Si mund të besoj një audio të dorëzuar pas 12 vjetësh”, tha Berisha.

LEXONI GJITHASHTU:

• Berisha kërkesë SPAK-ut: Të shtyhet marrja në pyetje për 21 janarin
• Berisha në SPAK për 21 janarin, Balla: Proteston sa herë e thërret drejtësia