Mbi 250 të arrestuar në Charlotte ndërsa përshkallëzohen masat kundër imigracionit

Më shumë se 250 persona janë arrestuar në Charlotte të Karolinës së Veriut, si pjesë e masave të përshkallëzuara të Presidentit Donald Trump kundër imigracionit të padokumentuar, thonë zyrtarët amerikanë.

Charlotte është qyteti i fundit amerikan që Trump e ka vënë në shënjestër me trupa federale, duke ndjekur masa të ngjashme në qytete më të mëdha si Çikago dhe Los Angeles në fillim të këtij viti. Zyrtarë të Departamentit të Sigurisë Kombëtare, DHS, thanë se të arrestuarit janë kriminelë dhe anëtarë të bandave.

Por ligjvënësit dhe banorët vendas kanë protestuar kundër ndalimeve, të cilat qeveria federale i ka quajtur “Operacioni Rrjeti i Sharlotës”. Guvernatori demokrat i shtetit ka pretenduar se njerëzit po shënjestrohen për shkak të racës së tyre.

Të arrestuarit e tjerë ishin dënuar për një sërë krimesh, duke përfshirë sulm ndaj forcave të rendit, drejtim mjeti nën ndikimin e alkoolit, vjedhje dhe manipulim të dokumenteve qeveritare, tha departamenti.

Kryetarja e bashkisë, gjithashtu demokrate, u kërkoi agjentëve federalë të veprojnë me “respekt” për vlerat e qytetit. Ajo gjithashtu përgëzoi ata që dolën të shtunën për të protestuar kundër veprimeve të administratës Trump në qytet.

“Jam thellësisht i shqetësuar me shumë nga videot që kam parë. Për të gjithë ata në Charlotte që ndihen të shqetësuar ose të frikësuar, nuk jeni vetëm. Qyteti juaj është me ju”, tha kryebashkiakia.

Masat e ashpra në Çikago filluan në shtator dhe janë ende duke vazhduar. Ashtu si qytetet e tjera që i nënshtrohen masave të ashpra kundër imigracionit.

LEXONI GJITHASHTU:

• SHBA miraton shitjen e armëve në Indi me vlerë 93 milionë dollarë
• BE kërkon të përfshihet në planin SHBA-Rusi për paqen në Ukrainë