Ministri Maqedonci dhe oficerë të lartë të FSK homazhe në Prekaz

Forcat e Sigurisë së Kosovës, FSK kanë zhvilluar homazhe në Kompleksin Memorial në Prekaz. Këto homazhe janë mbajtur në kuadër të festave të nëntorit si Pavarësia e Shqipërisë dhe ditëlindjes së Komandantit Adem Jashari. Në këto homazhe morën pjesë oficerë të lartë të FSK dhe ministri i mbrojtjes në Kosovë, Ejup Maqedonci.

“FSK realizon homazhe në Kompleksin Memorial në Prekaz. Në kuadër të aktiviteteve për shënimin e Festave të Nëntorit: Ditës së Pavarësisë së Shqipërisë, përvjetorit të daljes publike të Ushtrisë Çlirimtare të Kosovës dhe ditëlindjes së Komandantit legjendar Adem Jashari, gjeneralë dhe oficerë të lartë të Forcës së Sigurisë së Kosovës dhe Ministrisë së Mbrojtjes bënë homazhe në Kompleksin Memorial në Prekaz.

Me këtë rast, u nderua sakrifica e familjes Jashari dhe e të gjithë dëshmorëve që ranë për lirinë dhe pavarësinë e Kosovës, sakrifica e gjithë brezave që luftuan e u flijuan për atdhe”, shkruan FSK në Facebook.

LEXONI GJITHASHTU:

• Gjykata e Posaçme e la në burg, zbulohet dëshmia e Igli Haxhiajt para togave të zeza
• Festa e 28 nëntorit, KFOR: Gëzuar ditën kombëtare të Aleatëve tanë shqiptarë