Gjykata e Posaçme e la në burg, zbulohet dëshmia e Igli Haxhiajt para togave të zeza

Gjykata e Posaçme këtë të enjte ka marrë vendimin dhe ka vendosur masën e sigurisë “arrest me burg” për ish-efektivin e antiterrorit, Igli Haxhiaj. Gjatë seancës mësohet se Haxhia ka deklaruar para togave të zeza se nuk ka komunikuar asnjëherë në Sky ECC.

“Më kanë përdorur emrin, nuk kam patur Sky ECC dhe nuk kam komunikuar asnjëherë me këtë aplikacion”, ka thënë ai.

Haxhiaj u ndalua në kuadër të një operacioni të përbashkët mes autoriteteve shqiptare dhe atyre italiane. Sipas organit të akuzës, Haxhiaj dyshohet për korrupsion, shpërdorim detyre dhe nxjerrje të sekretit hetimor.

Ndërkohë Asti Llupi, Altin Shehaj dhe Erald Salla do të dalin para gjykatave të rretheve, pasi janë arrestuar me qëllim ekstradimi. Për ta, masat e sigurisë janë caktuar nga Gjykata e Breshias në Itali.

LEXONI GJITHASHTU:

• Festa e 28 nëntorit, KFOR: Gëzuar ditën kombëtare të Aleatëve tanë shqiptarë
• Operacioni i SPAK me Italinë/ GJKKO lë në burg ish-oficerin Igli Haxhia