Shpërthim me lëndë plasëse në Vlorë para portës së një banese

Specialistët për Hetimin e Krimeve në Komisariatin e Policisë Vlorë kanë referuar materiale në Prokurori pas një shpërthimi të ndodhur mbrëmjen e 29 nëntorit 2025. Rreth orës 23:38, në rrugën “Ali Demi”, lagjja “Partizani”, në portën e jashtme të banesës së shtetases B. Z., 63 vjeçe, ka shpërthyer një sasi lënde plasëse.

Nga shpërthimi janë shkaktuar vetëm dëme materiale dhe fatmirësisht nuk ka të lënduar. Nën drejtimin e Prokuorisë vijon puna për identifikimin, kapjen e autorëve dhe dokumentimin e plotë të ngjajres.