Përplasen tre automjete në Unazën Veriore të Korçës, nuk ka të lënduar

Mëngjesin e kësaj të marte, tre automjete janë përfshirë në një aksident në Unazën Veriore të qytetit të Korçës, i cili për fat të mirë ka përfunduar vetëm me dëme materiale.

Sipasa raportimeve, drejtuesit e mjeteve po transportonin fëmijët në shkollë kur ndodhi incidenti, në një degëzim që të çon drejt dy shkollave të qytetit.

Policia bën me dije se një nga drejtuesit e mjetit nuk ka respektuar sinjalistikën rrugore në këtë degëzim, çka dyshohet se ka qenë shkak i aksidentit.

Unaza Veriore është një zonë ku herë pas here ndodhin aksidente, kryesisht për shkak të degëzimeve të shumta në këtë pjesë të rrugës, që e bëjnë lëvizjen më të rrezikshme dhe kërkojnë kujdes shtesë nga drejtuesit e mjeteve.

LEXONI GJITHASHTU:

• Aksident me vdekje në aksin Fier-Berat, humb jetën 50-vjeçari
• Aksident i shumëfishtë në Elbasan-Tiranë, përplasen 10 automjete