Aksident i shumëfishtë në Elbasan-Tiranë, përplasen 10 automjete

Një aksident i shumëfishtë ka ndodhur mbrëmjen e sotme në autostradën Elbasan–Tiranë,  pranë tunelit të Kkrabës duke krijuar kaos në qarkullim.

Sipas burimeve nga vendngjarja, rreth dhjetë automjete janë përfshirë në përplasjen zinxhir, ndërsa tre prej tyre kanë përfunduar mbi njëri-tjetrin për shkak të goditjes së fortë.

Deri në këto momente nuk raportohet për të lënduar, por dëmet materiale janë të mëdha.

Policia Rrugore dhe shërbimet e emergjencës ndodhen në vendngjarje dhe po punojnë për normalizimin e trafikut, si dhe për të përcaktuar shkaqet e aksidentit.

Aktualisht, qarkullimi në këtë segment mbetet i rënduar, për shkak edhe të fluksit të lartë të mjeteve në orët e mbrëmjes.

LEXONI GJITHASHTU:

• Aksidenti me 4 të plagosur në Poçem, arrestohet shoferi 58-vjeçar
• Aksidentoi një ditë më parë 65-vjeçaren, arrestohet shoferi në Korçë