Në kërkim nga Suedia për krim të organizuar, arrestohet në Prishtinë shtetasi i huaj
2 Dhjetor 2025 |
16:46
Një shtetas i huaj është arrestuar në lagjen “Marigona” në Prishtinë nën dyshimin për përfshirje në krim të organizuar, ndërsa ndaj tij ekzistonte edhe një urdhërarrest ndërkombëtar i lëshuar nga autoritetet suedeze. Arrestimi u krye nga njësitë e Taskforcës së Policisë së Kosovës.
Gjatë kontrollit në shtëpinë ku po qëndronte i dyshuari, policia ka sekuestruar 52,480 euro para të gatshme, një letërnjoftim të falsifikuar, një patentë shoferi të falsifikuar, tre telefona celularë, një orë Rolex, dy DVR të kamerave të sigurisë dhe një veturë.
“I dyshuari është ndaluar dhe arrestuar lidhur me dyshimet për krim të organizuar. Gjatë bastisjes janë sekuestruar prova të shumta materiale. Me vendim të prokurorit, ai është dërguar në mbajtje,” thuhet në njoftimin e Policisë së Kosovës.
Rasti po hetohet në koordinim me autoritetet ndërkombëtare, ndërsa pritet procedimi i mëtejmë ligjor për ekstradim
Njoftimi zyrtar nga Policia e Kosovës dhe Prokuroria Speciale
Hetuesit policorë nga Drejtoria për Hetimin e Krimit të Organizuar dhe Krimeve të Rënda, kanë arrestuar A. B., me urdhër të Prokurorisë Speciale të Republikës së Kosovës, në rajonin e Prishtinës, nën dyshimin për kryerjen e veprave penale ‘pjesëmarrja ose organizimi i grupit kriminal’, ‘importi, eksporti, furnizimi, transportimi, prodhimi, këmbimi, ndërmjetësimi ose shitja e paautorizuar e armëve apo materieve plasëse’, ‘falsifikimi i dokumenteve’ dhe ‘vjedhja e identitetit dhe pajisja e qasjes’.
A. B. dyshohet se si drejtues i grupit kriminal, në bashkëkryerje ka blerë armë dhe municione, me qëllim që t’i transportojë dhe t’i shesë. Gjithashtu, i njëjti dyshohet se me qëllim mashtrimi ka falsifikuar dokumente dhe ka vjedhur identitet të huaj.
Lidhur me rastin, autoritetet e Kosovës kanë mbajtur kontakte dhe bashkëpunim të ngushtë me autoritetet policore të Suedisë, për arsye se i dyshuari A. B. ishte shtetas i Suedisë dhe në kërkim ndërkombëtar nga shteti në fjalë.
Falë bashkëpunimit të vazhdueshëm profesional me autoritetet policore të Suedisë dhe nën autoritetin e PSRK-së, me datën 01.12.2025 është arritur të lokalizohet vendndodhja e të dyshuarit dhe arrestimi i tij.
Gjatë arrestimit në shtëpinë ku qëndronte i dyshuari janë sekuestruar dëshmitë relevante si në vijim:
– 52480 euro para të gatshme,
– patentë shofer suedez –me dyshim te falsifikuare nr, 27242813 ne emër te një personi tjetër,
– letërnjoftim suedez – me dyshim te falsifikuare nr, 2365959 ne emër te një personi tjetër,
– tre (3) telefona celularë,
– orë Rolex ngjyra e bardhe –ari,
– një HDD SEAGEATE P/N. 1TEAPS-500,
– një DVR ,
– një veturë.
Ndërsa, gjatë operacionit të parë policorë të datës 12.03.2023, gjatë kontrollit të kryer në prona/shtëpi banimi, në cilësi të provave materiale ishin sekuestruar:
njëzet (20) armë (AK-47)
njëzet (20) karikator (AK-47)
dy automjete
gjashtë telefona si dhe
dokumente relevante për rastin.
I dyshuari, me nënshtetësi të Suedisë, është ndaluar për 48 orë dhe brenda afatit ligjor PSRK do të parashtrojë kërkesë për caktimin e masës së pararbugimit në Gjykatën Themelore në Prishtinë.
Prokuroria Speciale dhe Policia e Kosovës riafirmojnë angazhimin në luftimin dhe ndjekjen e krimit të organizuar dhe sjelljen para drejtësisë të kryerëve të këtyre veprave penale.
Policia e Kosovës dhe Prokuroria Speciale, përveç parandalimit dhe luftimit të krimit në vend, fokus të veçantë i kushtojnë edhe bashkëpunimit me shtetet tjera në funksion të luftimit të krimit të organizuar transkufitar.
Kryefaqja
Shiko në:
Lajme të Sugjeruara
“Këtë verë do të jem në Prishtinë”, publikohet biseda e Dua Lipës me Katy Perry-n, ylli botëror pjesë e Sunny Hill
Këngëtarja me famë botërore Katy Perry do të jetë njëra prej këngëtareve kryesore që do të përformojë në Festivalin “Sunny Hill” në Prishtinë. Lajmi është...
Vjosa Osmani në Gjilan: Besojmë në punë, rezultate dhe aleancën me ShBA-në
Kandidatja për president nga radhët e LDK-së, Vjosa Osmani ndodhet në Gjilan nga ku ka falënderuar qytetarët për mbështetjen, duke e cilësuar atë si një...
Shpërthim tritoli në derën e një dyqani në Laç, panik te qytetarët
Një shpërthim me lëndë plasëse ka tronditur qytetin e Laçit në orët e para të mëngjesit të kësaj të enjteje, 4 qershor. Një sasi e...
- 19:28 Spanja zbulon 111 raste me kancer që lidhet me implantet e gjirit
- 19:25 Babai i Martin Canit i bashkohet protestës kundër projektit në Zvërnec (VIDEO)
- 19:18 Prattipati i bën thirrje Kosovës t’i bashkohet projektit amerikan për gazin
- 19:10 Konflikti në Ukrainë, Lavrov: SHBA nuk i kanë respektuar marrëveshjet, lufta e Bidenit tani është bërë e Trumpit
- 19:03 FOTOLAJM/ Del pankarta zyrtare e protestuesve: Nuk ka negociata, kërkesat janë të qarta
- 19:01 Rama nga Mali i Zi: Ta harrojnë të gjithë, po na kalon prap huq topi i historisë së Shqipërisë së Re Europiane