Infektimet nga gripi/ Hasibra shpjegon situatën në vend dhe kujdesi që duhet të kemi

Që prej muajit tetor, laboratori i virologjisë në ISHP ka identifikuar llojin e gripit që po qarkullon në vendin tonë. Gjatë një dalje për mediat, drejtuesja e laboratorit Iris Hasibra, tha se situata e infektimeve është normale për stinën.

“Numri mbetet i ulët aq sa për të mos paraqitur një situatë epidemiologjike të rëndë. Për virusin A H3N2 , OBSH deklaron se nuk është një virus i ri, pra nuk duhet të kemi vend për panik”, tha Iris Hasibra.

Sa i takon debateve për mospërputhjen mes vaksinës se gripit dhe varinteve të ndryshuara të gripit Hasibra u shpreh: “Ky variant ka bërë pjesë më përpara në përbërje të vaksinës. Virusi A H3N2 çdo sezon të gripit ka një qarkullim masiv, shkakton një ashpërsi të simptomave dhe raste të shtruara në spital”, tha ajo.

Megjithatë rekomandimet e OBSH, vijojnë të jenë për injektimin e vaksinës së gripit veçanërisht për grupet e riskut. Aktualisht në vendin tonë situata me infektimet paraqitet e qetë, por specialistët parashikojnë rritje të numrit të rasteve por edhe të shtrimev spitalore si pasojë e gripit.

LEXONI GJITHASHTU:

• A je e sigurt online? 5 shenjat që tregojnë se je viktime e abuzimit online
• Si inteligjenca artificiale po përmirëson efikasitetin e sistemit shëndetësor