Pas dy ditësh jashtë, nënë Lumto dhe qeni i saj strehoen nga zonja me zemër të mirë

Kjo është Nënë Lumto, e cila qëndroi dy ditë jashtë në rrugë për shkak të pamundësisë për të paguar qiranë.

Sot, falë ndihmës së njerëzve të mirë, ajo është strehuar në një vend të ngrohtë, ku ndihet e sigurt dhe e mbrojtur, së bashku me qenin e saj besnik, Xhinon.

“Quhem Lumtu Daja. Dikur e kam pasur emrin Lumturi, por e ndryshova sepse nuk isha e lumtur. Kam jetuar në Tiranën e Re, paguaja 150 mijë lekë qira. Kam jetuar me nënën time. Prej 4 vitesh jetoj vetëm. Kam dy vajza; djali im ka ndërruar jetë. Një vajzë jeton në Stamboll dhe tjetra në Amerikë. Kam qëndruar mes sheshit të pallateve; kishte edhe një djalë jetim atje, që më sillte ujë dhe byrek”, thotë ajo.

Një zonjë me zemër të mirë, Agetina, i riktheu shpresën Nënës Lumto, duke e strehuar dhe duke u kujdesur për të.

“Në rrjetet sociale pashë një nënë të braktisur që ishte hedhur në rrugë nga qiradhënësi. Nuk u mendova dy herë; u nisa shpejt drejt Astirit që të mos e merrte dikush tjetër, sepse doja ta ndihmoja vetë. Ajo kishte dalë në rrugë sepse nuk kishte mundur të paguante qiranë. Nënë Lumto nuk kishte pasur kontakt me vajzat e saj që jetojnë në Amerikë dhe Turqi. Vajzat nuk e kishin braktisur qëllimisht; ato prisnin të takonin nënën e tyre, por qiradhënësi nuk e pranoi më”, thotë Agetina.