Tiranë/ Organizonte lojëra të paligjshme, arrestohet administratori i një subjekti

Policia e Tiranës ka vënë në pranga administratorin e një subjekti që kishte përshtatur ambientin për të organizuar lojëra të fatit të paligjshme.

Strukturat për Hetimin e Krimeve Kibernetike dhe Forca e Posaçme Operacionale e DVP Tiranë, kanë realizuar kontroll në disa ambiente ku dyshohej se zhvilloheshin lojëra të paligjshme.

Gjatë aksionit, në objektin që administrohej nga shtetasi D. V., në rrugën “Don Bosko” të Tiranës, janë sekuestruar 1 njësi kompjuterike dhe 1 aparat celular. Përdorimi i kompjuterit ishte për aksesimin e faqeve të paligjshme të lojërave të fatit.

Pas verifikimeve, u arrestua shtetasi D. V., 22 vjeç, për veprat penale “Organizimi i llotarive të palejuara” dhe “Vënia në dispozicion e lokaleve për lojëra të palejuara”.