Fshehje e të ardhurave, Prokuroria Gjirokastër lëshon 4 urdhër ndalime

Prokuroria Gjirokastër ka lëshuar katër urdhra ndalimi për veprën penale ‘Fshehja e të ardhurave’. Sipas njoftimit të Prokurorisë urdhërat e ndalimit janë lëshuar për personat e identifikuar me inicialett R.K., L.K., P.K., dhe B.K..

Pas hetimeve janë kryer kontrolle në dy pika këmbimi valutor në qytetin e Gjirokastrës dhe qytetin e Tiranës.

Nga kontrolli në njësinë e këmbimit valutor në qytetin e Tiranës u gjetën dhe sekuestruan  13.470.000 Lekë, 40.895 Euro, 8.780 Paund, 9.922 Dollar Amerikan, 10.380 Franga, 3.145 Dollar Kanadez, 85.720 Lira, 1 pajisje DVR dhe 2 blloqe shënimesh

Nga kontrolli i ushtruar në banesën e R.K. u gjetën dhe sekuestruan 20.000  Dollarë Amerikan.

Në njësinë e këmbimit valutor në qytetin e Gjirokastrës janë sekuestruar 13.443.200  Lekë; 91.865 Euro, 7.965 Paund, 12.674 Dollar Amerikan, dhe 5 pajisje elektronike “Kompjuter”. Nga kontrolli në banesën e L.K u gjetën dhe sekuestruan në 90 Dollar Amerikan, 3.580  Euro dhe 118.500  Lekë.

LEXONI GJITHASHTU:

• Salah nuk gëzon mbështetjen e shokëve, por mbetet pjesë e projektit
• GJKKO kalon për gjykim dosjen ndaj grupit të strukturuar kriminal të Laert Haxhiut