Salah nuk gëzon mbështetjen e shokëve, por mbetet pjesë e projektit

E cilëson veten viktimë të situatës së krijuar, madje nuk dëshiron që të humbasë rolin kryesor në skuadër, Mohamed Salah e ka konfliktin me të gjithë te Liverpool. Egjiptiani nuk ka gjetur gjuhën e përbashkët me drejtuesit, sidomos me teknikun holandez i cili e përjashtoi në ndeshjen ndaj Interit, që u fitua nga kampionët e Anglisë, duke i dhënë një mesazh, se mbreti nuk është i pazëvendësueshëm.

Sipas asaj që raportohet nga mediat britanike, situata ka qenë jo normale edhe në dhomat e zhveshjes, ku Salah ka shpërthyer në revoltë edhe ndaj tyre. Egjiptiani ka dalë kundër blerjes së Florian Wirtz, si një futbollist që i ka zenë vendin në formacion. Në anën tjetër, mbështetja për Slot brenda dhomave të zhveshjes është e madhe, ku edhe në ditët e fundit, futbollistët i kanë thurur elozhe, ku në një farë mënyre fajësojnë Salah për përplasjen.

Interesi për Salah është i madh, sidomos nga Arabia Saudite ku nuk kanë munguar ofertat, megjithatë Liverpool është ende i interesuar ta ketë në skuadër sulmuesin.

LEXONI GJITHASHTU:

• Salah edhe 2 vjet te Liverpool, nënshkruan kontratë të re deri në 2027
• Salah do qëndrojë në Angli, Liverpool refuzon 150 milionë paund