Po planifikonin 5 sulme me bomba në Los Angeles dhe Kaliforni, arrestohen 4 persona

FBI ka parandaluar një sulm me bombë. Prokurorja e Përgjithshme e SHBA-së Pam Bondi theksoi se një grup ekstremist kishte planifikuar disa sulme në disa objektiva, duke përfshirë agjentë dhe automjete të zbatimit të ligjit për emigracionin në Los Angeles dhe Orange County, Kaliforni.

“Fronti për Çlirimin e Ishullit Turtle, një grup i ekstremit të majtë, pro-palestinez, antiqeveritar dhe antikapitalist, po përgatitej të niste një seri sulmesh me bomba kundër objektivave të shumëfishta në Kaliforni, duke filluar nga nata e Vitit të Ri”, tha Bondi në një deklaratë.

Katër persona akuzohen për komplot dhe posedim të një pajisjeje shkatërruese, sipas dokumenteve të paraqitura në një gjykatë në Qarkun Qendror të Kalifornisë. Sipas planit, pajisjet shpërthyese do të vendoseshin në pesë lokacione, duke synuar dy kompani amerikane, në mesnatë të natës së Vitit të Ri në zonën e Los Angeles.

Katër të dyshuarit e përmendur në dokumente janë Audrey Eileen Carroll, Zachary Aaron Page, Dante Garfield dhe Tina Lai. Agjentët e FBI-së ndërhynë përpara se të ndërtohej një pajisje shpërthyese funksionale.

LEXONI GJITHASHTU:

• Spanja do të lançojë një biletë transporti publik kombëtar me çmim 60 euro në muaj
• Sekretari gjerman i Mbrojtjes vlerëson profesionalizmin e KFOR-it