Shpërndanin lëndë narkotike në Shirokë, vihen në pranga dy të rinjtë

Policia ka finalizuar me sukses operacionin e koduar “Lakeside”, duke arrestuar dy persona të dyshuar për shpërndarje të lëndëve narkotike në zonën e Shirokës, Shkodër.

Shërbimet e Forcës së Posaçme “Shqiponja”, në bashkëpunim me specialistët e Seksionit për Hetimin e Narkotikëve, vunë në pranga shtetasit me iniciale P. Gj., 21 vjeç, dhe A. V., 20 vjeç, të dy banues në Shkodër.

Ata u kapën në fshatin Shirokë, duke qarkulluar me automjet, brenda të cilit gjatë kontrollit u gjet një sasi lënde narkotike kanabis e ndarë në doza, një armë e ftohtë (thikë) si dhe dy aparate celularë.

Materialet procedurale iu referuan Prokurorisë, për veprime të mëtejshme.

LEXONI GJITHASHTU:

• PAMJE/ Aksident i pazakontë në Korçë, përmbyset “Benzi”, shpëton çifti
• Takoi Thaçin në Hagë, Rama: Po luhet teatri i turpit të drejtësisë ndërkombëtare