Paralajmëron Kina: Shitja e armëve të SHBA-së në Tajvan minon paqen, do marrim masa

Kina paralajmëroi të enjten se shitjet e armëve ndaj Tajvanit nga administrata e Presidentit të SHBA-së, Donald Trump, minon paqen dhe stabilitetin dhe “do të marrë masa të forta për të mbrojtur sovranitetin kombëtar dhe integritetin territorial”, tha të premten ministria e mbrojtjes në përgjigje të paketës 1.1 miliardë dollarësh për Tajvanin.

Ky reagim erdhi pasi administrata Trump njoftoi të mërkurën tetë paketa të reja armësh për Tajvanin me total prej mbi 11 miliardë dollarësh.

Paketa e shitjes “shkel seriozisht parimin e një Kine dhe tre komunikatat e përbashkëta Kinë-SHBA, shkel rëndë sovranitetin, sigurinë dhe integritetin territorial të Kinës, minon rëndë paqen dhe stabilitetin në të gjithë Ngushticën e Tajvanit dhe dërgon një sinjal seriozisht të gabuar për forcat separatiste të ‘pavarësisë së Tajvanit’”, tha zëdhënësi i Ministrisë së Jashtme kineze, Guo Jiakun, në një konferencë për shtyp.

Pekini “kundërshton me forcë dhe e dënon këtë” dhe “do të marrë masa për të mbrojtur sovranitetin, sigurinë dhe integritetin territorial të saj kombëtar”, shtoi Guo.

Blerja e armëve “nuk do ta shpëtojë fatin e dënuar të ‘pavarësisë së Tajvanit’, ajo vetëm sa do të përshpejtojë konfliktin e Ngushticës së Tajvanit drejt rrezikut të shtuar ushtarak dhe rrezikut të luftës”, shtoi ai.

“Askush nuk duhet ta nënvlerësojë vendosmërinë dhe aftësinë e fortë të qeverisë kineze dhe popullit kinez për të mbrojtur sovranitetin kombëtar dhe integritetin territorial”, tha Guo, duke i kërkuar Uashingtonit të “ndalë menjëherë aktin e rrezikshëm të armatosjes së Tajvanit”.

LEXONI GJITHASHTU:

• Si Kina ndërtoi “Projektin Manhattan” për të rivalizuar Perëndimin në çipet e AI
• Kina po ndërton sistemin më të fuqishëm hidroenergjetik në botë në Himalaje