Drogoi dhe abuzoi me gruan e tij, gjykata gjermane dënon me 8 vite burg 61-vjeçarin

Një gjykatë në qytetin gjerman të Aachenit ka dënuar një burrë me tetë vjet e gjysmë burg për drogim dhe përdhunim të përsëritur të gruas së tij, filmim të akteve dhe më pas postim të tyre në internet.

Burri, i identifikuar si Fernando P u shpall fajtor për përdhunim, lëndim të rëndë trupor dhe shkelje të privatësisë personale. Pjesa më e madhe e gjyqit u zhvillua me dyer të mbyllura për të mbrojtur identitetin e gruas së tij.

Avokatja e saj, Nicole Servaty tha se vendimi nuk mund të kompensojë atë që ndodhi. Mediat gjermane thonë se çështja ka ngjashmëri me çështjen e profilit të lartë në Francë vitin e kaluar që kishte të bënte me Dominique Pelicot.

Ai u shpall fajtor për drogimin fshehurazi të gruas së tij, Gisele, dhe për ftesën e dhjetëra burrave për ta përdhunuar atë ndërsa ajo ishte pa ndjenja për vite me radhë.

LEXONI GJITHASHTU:

• Bisedimet e paqes në Ukrainë, Rubio: Ka përparim, por kemi ende shumë për të bërë
• Kompania Eve kryen fluturimin e parë të “makinës fluturuese”