Pasojat e rënda të duelit me Anthony Joshua, Jake Paul jashtë ringut për 9 muaj

Pasojat e dyluftimit të pak ditëve më parë janë të dukshme për youtuberin dhe aktorin Jake Paul, i cili tanimë ka nisur një karrierë të re si sportist në boks.

Amerikani u mposht nga dy herë kampioni i botës, Anthony Joshua, por krahas disfatës në ring, pati pasoja të rënda edhe sa i përket shëndetit.

Ka qenë vetë 28-vjeçari që ka bërë me dije se, për shkak të grushtave të marrë, ai ka pësuar thyerje të nofullës dhe për këtë arsye nuk do të ngjitet në ring në 9 muajt e ardhshëm.

Paul i është nënshtruar një ndërhyrjeje kirurgjikale, madje e ka pasur të vështirë të komunikojë, pikërisht për shkak të saj.

Megjithatë, e gjithë kjo mund të rregullohet, kur mendon se pas atij dueli Paul ka përfituar rreth 92 milionë dollarë, po aq sa kundërshtari i tij, Anthony Joshua.

Ky i fundit kishte diferenca të theksuara me amerikanin në çdo aspekt: fizik, taktik dhe në eksperiencë.

Kjo gjë u vu re në ring, aty ku Joshua triumfoi në raundin e gjashtë duke e hedhur KO Paulin, me këtë të fundit që menjëherë pas ndeshjes u transportua në spital.