Tajlanda akuzon Kamboxhian për shkelje të marrëveshjes së armëpushimit

Ushtria e Tajlandës ka akuzuar Kamboxhian për shkelje të një marrëveshjeje armëpushimi të nënshkruar së fundmi. Në një deklaratë, ushtria tajlandeze tha se më shumë se 250 mjete ajrore pa pilot u zbuluan duke fluturuar të dielën në mbrëmje.

Armëpushimi hyri në fuqi në mesditë të shtunën. Të dyja palët ranë dakord të ngrinin vijat e frontit aty ku janë tani, të ndalonin përforcimet dhe të lejonin civilët që jetojnë në zonat kufitare të ktheheshin sa më shpejt të ishte e mundur.

Ishte parë si një përparim, i cili erdhi pas disa ditësh bisedimesh midis të dy vendeve, me inkurajim diplomatik nga Kina dhe SHBA-ja.

Ushtria Mbretërore Tailandeze tha se veprimet e Kamboxhias përbëjnë provokim dhe shkelje të masave që synojnë uljen e tensioneve, duke shtuar se ato ishin në kundërshtim me kushtet e armëpushimit.

Gjithashtu tha se mund të duhet të rishqyrtojë lirimin e 18 ushtarëve kamboxhianë të mbajtur në Tajlandë që nga korriku.

Mosmarrëveshja midis Tajlandës dhe Kamboxhias u përshkallëzuan në fillim të këtij viti, pasi një grup grash kamboxhiane kënduan këngë patriotike në një tempull të diskutueshëm.

Një ushtar kamboxhian u vra në një përleshje në maj. Kjo i zhyti marrëdhëniet midis vendeve në pikën e tyre më të ulët në më shumë se një dekadë.

Pati pesë ditë luftimesh të ashpra përgjatë kufirit, të cilat lanë dhjetëra ushtarë dhe civilë të vdekur. Mijëra civilë të tjerë u zhvendosën.

Një marrëveshje e brishtë armëpushimi u arrit në korrik dhe u nënshkrua në tetor. Më pas ajo dështoi në fillim të këtij muaji, kur shpërthyen përleshje të reja. Të dyja palët fajësuan njëra-tjetrën për prishjen e armëpushimit.