Vullnetarizmi në Shqipëri, Topalli: Qytetarët kanë dëshirë të përfshihen e të ndihmojnë komunitetin

Rreth 100 përfaqësues të qeverisjes qendrore e lokale, organizata të shoqërisë civile, studiues, akademikë, menaxherë projektesh, vullnetarë, përfaqësues të biznesit, të interesuar mbi vullnetarizmin morën pjesë pak dite me pare ne Konferencën e parë Kombëtare e Vullnetarizmit 1.0.

Eventi ishte dhe i pari në hapjen e Javës së Demokracisë Vendore të organizuar nga Lëviz Albania.

Ky projekt zbatohet nga Beyond Barriers- Përtej Barrierave në bashkëpunim me PVN Albania dhe Center “Progress and Development”- Qendra “Progres dhe Zhvillim”.

Menaxherja e programeve “Beyond Borders”, Irena Topalli thotë se qytetarët kanë dëshirë të përfshihen në vullnetarizëm.

Sipas saj, nga anketimet e kryera, rezulton se shqiptarët janë pro idesë për të bërë vullnetarizëm pasi besojnë se kjo përfshirje i ndihmon në vetëpërmbushje.

“Shqiptarët kanë dëshirë të bëjnë vullnetarizëm, por problemi i tyre është se nuk i gjejnë dot mundësitë. Vullnetarizmi ndikon në vetëpërmbushjen e individëve, por nga ana tjetër ndihmojnë edhe komunitetin”, tha ajo.