EMRI/ Vodhi me forcë marketin në Yzberisht, arrestohet 40-vjeçari

Një 40-vjeçar është vënë në pranga nga policia si autor i vjedhjes së regjistruar një ditë më parë në Yzberisht. Në pranga është vënë i Elkjer Tafçiu.

Të enjten, Tafçiu hyr në një market dhe duke kanosur punonjësen me thikë arriti të vidhte një shumë parash. 40-vjeçari rezulton me precedentë të mëparshëm penal për vjedhje me dhunë.

Punonjësja e marketit që u dëmtua në dorë në tentativë për ta ndaluar autorin mësohet se menjëherë pas ngjarjes mori mjekim dhe u largua nga spitali.

“Tiranë/ Finalizohet operacioni policor i koduar “Intervent”.  Identifikohet, kapet dhe vihet në pranga 40-vjeçari që vodhi një shumë parash dje, në një market në Yzberisht, duke kanosur punonjësen, me thikë.  

I arrestuari, me precendent penal për vjedhje me dhunë. Shërbimet e Komisariatit të Policisë Nr. 6, në vijim të veprimeve intensive hetimore të kryera për zbardhjen e vjedhjes së kryer dje, në kërcënimin e thikës, në një market në Yzberisht, organizuan dhe finalizuan operacionin policor “Intervent”.

Si rezultat i operacionit u identifikua, u kap në Rrugën e Qelqit dhe u vu në pranga autori i dyshuar i vjedhjes, shtetasi E. T.(T), 40 vjeç, banues në Tiranë.

Punonjësja e marketit që u dëmtua në dorë, nga thika që mbante autori, në tentativë për ta ndaluar atë, mori mjekim dhe u largua nga spitali. Materialet procedurale do t’i kalojnë Prokurorisë, për veprime të mëtejshme”, njofton policia.